"Назар" тобым бітті": Мөлдір Әуелбекова тағы бір шәкіртін ұзатты (видео)

Қазақ эстрадасының жарық жұлдызы Мөлдір Әуелбекованың тағы бір шәкірті ұзатылды. "Назар" тобының мүшесі Әнел Смаилова тұрмысқа шықты, деп жазады KAZ.NUR.KZ.

Әуелбекова Instagram парақшасында шәкіртінің ұзату тойынан видео жариялады. Белгілі болғандай, думанды той 26 ақпан күні өткен.

Өнер иесі қалыңдықты ортаға өзі алып шығып, той қонақтарына әндерін орындап берген.

Эстрада жұлдызы тағы бір шәкірті тұрмысқа шыққан соң, "Назар" тобын жабу туралы ойлана бастады.

"Тағы бір шәкіртім тұрмысқа кетті! "Назар" тобым бітті, сау болыңдар! Не істейін? Жаңа "Назар" жинайын ба? Әлде жаба салайын ба? Жобаны сатып жіберсем ше?" - деп елден ақыл-кеңес сұрады Әуелбекова.