Дина Төлепберген: Мүшел жылдың сынағы көп болады деген рас екен

Қазақстандық танымал тележүргізуші Дина Төлепберген 38 жасқа толды. Журналист мүшел жастан аман-есен шыққанына қуанып, желіде жазба жариялады. Ол өткен жылдың сынағы көп болғанын айтты, деп жазады KAZ.NUR.KZ тілшісі.

Ақпарат өкілі өткен жылдан сабақ алып, бүгінде уақыттың қадірін түсінген. Ол енді уақытын бекершілікке жұмсамауға сөз беріп, өзіне жаңа жасты нәсіп еткен құдайға алғысын білдірді.

Сондай-ақ ол мүшел жастан аман-есен өту үшін не істеу керектігін айтты.

Посмотреть эту публикацию в Instagram

Публикация от Instagram

"Мүшел жастан бүгін шықтым! Аман есен өткен жылыма көп рақмет. Дуалы ауыздар рас айтады екен, мүшел жылдың сынағы көп болады деп. Аман-есен өту үшін өзің үшін ең қымбат киімді сыйлау қажет екен. Осы жылы мен біраз өзгергендеймін. Бұрын қателіктерім үшін өзімді жегі құрттай жейтінмін.

Енді өткеннің бәрін тәжірибе деп қабылдайтын болдым. Асылы- ой түю, сабақ алу. Қайталамауға талпыну. Өткен істі ойлай бермей, бүгінмен өмір сүру, болашақты бағамдау. Маған 38жасқа толуды нәсіп еткен Алла тағалама алғыс! Жаңа жасымды бекершілікке жұмсамауға талпынамын. Өйткені бұл өмірдегі ең қымбат- ол уақыт қой", - деп жазды Дина Төлепберген Instagram парақшасында.

Мәтіннен қате тапсаңыз, бізге жазыңыз