"30 жасқа дейін тұрмысқа шығуға рұқсат бермес едім": Құралай Анарбекова аруларға өз кеңесін айтты

Опубликовано:

Құралай Анарбекова
Фото: Instagram/kuralay_corich

Отандық танымал актриса Құралай Анарбекова жас аруларға өз әпкелік кеңесін беріп, оларды тұрмысқа шығуға асықпауға шақырды. Өнер иесінің сөзінше, бойжеткендер отбасын құрмас бұрын жоғары білім алып, саяхаттап, өз арман-мақсаттарын іске асыру керек, деп жазады KAZ.NUR.KZ тілшісі.

Құралай Анарбекова тұрмысқа шығуға қатысты өз ой-пікірін Instagram парақшасында білдірген.

"Қызым болса, 30 жасқа дейін тұрмысқа шығуға рұқсат бермес едім. Менің сөзім мүмкін біреуге бұрыс болып көрінер, бірақ менің пікірімше, қыз бала жоғары білім алғаннан бөлек, ақша табуды үйреніп, саяхаттап, мақсаттары мен армандарының бір бөлігін жүзеге асырып, өмірлік тәжірибе жинап барып қана отбасын құруы керек. Ғашықтық аяқталып, құштарлық басылуы мүмкін. Сондықтан бұл "ұшқындардың" артында қыздың амбициялары, дұрыс құндылықтары мен ақылды болғаны дұрыс. Сіздер не ойлайсыздар?" – деді Анарбекова.

Актрисаның бұл сөздеріне қатысты оқырмандарың пікірі екіге бөлінді. Бірі оны толықтай қолдаса, енді бірі оның айтқанымен келіспейтіндерін жеткізді.

Мақаланың түпнұсқасы: https://kaz.nur.kz/showbiz/1981955-30-zasqa-deiin-turmysqa-syguga-ruqsat-bermes-edim-quralai-anarbekova-arularga-oz-kenesin-aitty/

jitsu gif