Қазақстандық домбырашылар дуэті Голливудты бағындырды

Temirlan&Yernat домбырашылар дуэті — Темірлан Олжабай мен Наурыз Ернат АҚШ-та өткен байқауда Бас жүлде жеңіп алды. Музыканттар Hollywood international contest аспаптық музыка номинациясында қазылар алқасын таңғалдырған, деп хабарлайды Zakon.kz.

Биыл Голливудтағы әлемдік шығармашылық байқауы онлайн форматта өтті.

Бас жүлде иегерлері байқауға Испаниядағы басқа байқауда жеңіске жеткеннен кейін шақыру бойынша келгенін мойындаған. Олардың номинациясындағы бәсекелестік деңгейі жоғары болғаны сонша, 36 елден келген музыканттар өзара бақ сынасты.

"Байқау екі айналымнан тұрды. Бірінші айналымда музыканттар "Каприс 24" композициясын ұсынса, ал екінші айналымда Майкл Джексонның "They don't Care About Us" әнін домбырада орындады.

Әділқазылар алқасын музыканттардың орындаушылық шеберлігі ғана емес, бейнебаянның реттілігі де тәнті етті. Музыканттар "They don' t Care About Us" бейнебаянын Алматының көпшілікке беймәлім жерлерінде түсіргенін мойындап, Украинадағы қирау кезіндегі кадрларды енгізген", — дейді хабарламада.

Енді қазақстандықтар Голливудтағы гала-концертте жақын арада өнер көрсетеді.