"Алғашқы махаббатым": Сиви Махмуди Алмас Кішкенбаевпен қарым-қатынасы туралы айтты

Опубликовано:

Сиви Махмуди
Фото: Instagram/sivi_makhmudi

Отандық танымал әнші Сиви Махмуди өзінің алғашқы махаббаты туралы айтып, көпшілікті таңғалдырды. Өнер иесінің айтуынша, оның бала махаббаты - өнердегі әріптесі Алмас Кішкенбаев болған, деп жазады KAZ.NUR.KZ тілшісі.

Сиви Махмуди Instagram желісінде жанкүйерлерімен тілдесіп, оларды қызықтырған бірқатар сұраққа жауап берді. Шоу-бизнес жұлдызы ағынан ақтарылып, тіпті алғашқы махаббаты кім болғанын жайып салды.

Сөзінше, 15-16 жасында ол Алмас Кішкенбаевпен кездескен екен.

"Сенсация болсын. 15-16 жасымда жүрген бірінші жігітім, алғашқы махаббатым - Алмас Кішкенбаев. Бірінші рет айтып тұрмын. Қазір ол - жан досым. Бізде бала махаббат болды. Ол 18-де, мен 15-16 жаста едім. Қазір күліп еске аламыз", - деп жазды Сиви Махмуди.

Сиви Махмудидің Stories-i
Скриншот: Instagram/sivi_makhmudi

Сонымен қатар өнер иесі бүгінде сүйіктісі жоқ екенін айтты. Ол алдағы уақытта екінші рет тұрмысқа шығуға ниетті емес.

"Шынымды айтсам енді тұрмысқа шыққым келмейді. Бірақ болашақта, әрине, шығу керек. Әзірге жоспарда жоқ", - деді ол.

Сиви Махмудидің Stories-i
Скриншот: Instagram/sivi_makhmudi

Мақаланың түпнұсқасы: https://kaz.nur.kz/showbiz/1984373-algasqy-maxabbatym-sivi-maxmudi-almas-kiskenbaevpen-qarym-qatynasy-turaly-aitty/