Мейрамбек Бесбаевтың бала кезіндегі суретіне ел сүйсінді

"МузАрт" тобының әншісі Мейрамбек Бесбаев желіде жеке мұрағатынан фото жариялап, қалың көпшілікті тәнті етті. Желідегілер әртістің бала күнгі суретіне жылы лебізін жарыса білдірген, деп жазады KAZ.NUR.KZ тілшісі.

Мейрамбек Бесбаев аталмыш фотоны Instagram парақшасында бөлісті. Өнер иесі балалық шағын еске алып, бұрынғы суретін жанкүйерлерінің назарына паш етуді жөн көрген.

Желі қолданушылары бірден эстрада жұлдызына жылы лебізін білдіріп, өз пікірлерін қалдырды.

"Бейқам балалық шақ", "Өнердің баласы", "Өмір жасыңыз ұзақ болсын. Сізді мақтан тұтамыз", "Бала Мейрамбек. Өсіп жүр, өне бер", "Қандай керемет фото. Осындай бұрынғы суреттеріңізбен жиі бөлісіп тұрсаңызшы", "Қазақтың біртуар әншісі деп білемін", "Осы кезден өнерге деген махаббатыңыз басталған секілді-ау", - деп жазуда оқырмандар.