Әнші Сиви Махмуди балаларына қымбат көлік сыйлады (видео)

Опубликовано:

Сиви Махмуди
Фото: Instagram/sivi_makhmudi

Қазақстандық танымал әнші Сиви Махмуди жаңа оқу жылы қарсаңында балаларын қуантып, оларға су жаңа көлік тарту етті. Өнер иесі қымбат сыйлығын табыстаған сәтін әлеуметтік желіде бөліскен, деп жазады KAZ.NUR.KZ.

Сиви Махмуди Instagram парақшасында көлікті сыйлап жатқан видеосын жариялап, қалың көпшілікке балаларының әсерін көрсетті. Мұндай тосынсыйды күтпеген балалар өз қуанышын жасыра алмай, аналарын құшағына басты.

"Балапандарыма биылғы жаңа оқу жылына көлік сыйладым", - деп жазды ол.

Желі қолданушылары әртістің бұл әрекетіне қатысты екі түрлі пікір білдірді. Бірі балалары үшін барын салып жүрген анаға қолдау білдірсе, енді бірі оны мақтанғаны үшін сынға алған.

"Жарайсың. "Еңбек етсең ерінбей тояды қарны тіленбей" деген осы. Бұл еңбегіңнің жемісі, құтты болсын көлігің, қатты қуанып турмын", "Ұлдарың, қызың өсіп қалыпты. Осылардың қызығын, жақсылығын көргін. Аман болыңдар", "Мақтанып салудың не қажеті бар? Күн көре алмай отырған адам қаншама?", - деп жазуда оқырмандар.

Мақаланың түпнұсқасы: https://kaz.nur.kz/showbiz/1986205-ansi-sivi-maxmudi-balalaryna-qymbat-kolik-syilady-video/