"Қашықтан араласуға тура келді": Дастан Оразбеков әйелімен қалай танысқанын айтты

Опубликовано:

Дастан Оразбеков әйелімен
Дастан Оразбеков әйелімен. Фото: Instagram/dastanello

Отандық танымал әнші әрі актер Дастан Оразбеков келіншегі екеуінің махаббат хикаясы қалай басталғанын айтып берді. Өнер иесі тіпті сүйіктісіне сезімін білдіру үшін оған арнап ән шығарған, деп жазады KAZ.NUR.KZ.

Дастан Оразбеков өз репертуарындағы "Тамшылар" әні әйеліне арналғанын айтты. Эстрада жұлдызы келіншегі өзіне жұмақтай сезілгенін айтты.

Сөзінше, олардың таныстығы 2006 жылы орын алған. Оразбековтың басқа елге кетуіне байланысты қос ғашық бастапқыда қашықтан араласуға мәжбүр болған.

"Тамшылар" әні — жан жарыма білдірген сезімім, арамыздағы махаббат хикаясының бейнесі. Біз 2006 жылы таныстық, бірақ мен жұмыс бойынша Мәскеуге жол жүруге мәжбүр болдым. Содан қашықтан араласуға тура келді. Сезімімді білдіру үшін оған арнап осы әнді жаздым.

Әннің алғашқы шумағында "Сенсің Жәннәт" деген жолдар бар. Сүйген жанның есімі "жұмақ" сөзімен мәндес болып шықты. Шынымен де көз алдымда ол маған жұмақтай сезілді. Міне, осындай оқиғадан "Тамшылар" әні жарыққа шықты, ал онымен жанұямыздың тарихы басталады", - деп жазды әнші Instagram парақшасында.

Мақаланың түпнұсқасы: https://kaz.nur.kz/showbiz/1989933-qasyqtan-aralasuga-tura-keldi-dastan-orazbekov-aielimen-qalai-tanysqanyn-aitty/