Имиджін өзгерткен актер Аян Өтепберген жанкүйерлерін таңғалдырды (фото)

"Жаужүрек мың бала" фильмінің жұлдызы Аян Өтепберген имиджін өзгертіп тастады. Актердің жаңа стиліне қатысты желі қолданушыларының пікірі екіге бөлінген, деп хабарлайды KAZ.NUR.KZ.

"Біреуге ор қазба, оған өзің түсесің", - деп жазды Аян Instagram парақшасында.

Актер көпшілікке "Жаужүрек мың бала" фильмінде туған жерін басқыншылардан азат етіп, досы Сартаймен иық тіресе соғысқан Таймас батырдың рөлімен таныс.

Қазнет қолданушыларына Аян Өтепбергеннің жаңа стилі ұнаған. Ал енді кейбір желі қолданушылары актердің бұрынғы бейнесі ұнайтынын жеткізді.

"Ерекше көрінесіз", "Образыңыз керемет", "Бұл сіздің стиль емес екен", "Қара шашыңыз жақсы жарасады", "Келбетті жігіт" деп жазды желідегілер.

Айта кетейік, Аян Өтепберген - "Қазақ хандығы. Алмас қылыш", "Рэкетир-2", "Томирис" фильмдерінде және басқа да киножобаларда ойнаған дарынды қазақ актері.