Танымал отандық блогер өзін "зорламақ болды" деп айыптаған бейтаныс аруға қатысты оқиғаның мән-жайын айтты (видео)

Опубликовано:

блогер NNN
Нұрдәулет Бектұрсын. Скриншот: "Taboo" бағдарламасы

NNN лақап атымен танымал блогер Нұрдәулет Бектұрсынға бейтаныс ару "Зорламақ болды" деп айып таққан. Бұл туралы блогер "Taboo" бағдарламасында айтып берді, деп жазады KAZ.NUR.KZ.

Бағдарлама жүргізушісі Анар Батырхан:

"Ясмин деген есім саған таныс шығар. Әлеуметтік желіде "NNN мені зорламақ болды" деп шу шығарды. Анық-қанығын өз аузыңнан естіп, осы тақырыпты жапсақ", - деген сауал қояды.

Ал блогердің айтуынша, ол арумен екі жыл бұрын хат арқылы сөйлескен. Бірақ өмірде бетпе-бет кездеспеген екен.

"Иә, сондай болған. Сөздің ашығын айтайын, есте сақтау қабілетім мықты емес. Бірақ, парақшасына кірсем, сөйлескен хатымыз тұр екен. Екі жыл бұрын сөйлескен екенбіз. Бірақ өмірде кездескен емеспіз. Білмеймін, соны екі жылдан кейін шығарып жіберген. Мен "Жаздым ба не, саған" деп жаздым. Сөйтсем, "Иә" дейді. Негізі адвокаттарым бұл қылмыстық іс дейді. Сөйтсем, бұл менімен ғана сөйлеспеген, бәрімен сөйлескен. Мысалы кез келген адам жазса, мен жауап беруге тырысамын. Бірақ жауап берген кезде осылай шығара берсе не болады?

Негізі танымал адам барынша ондай нәрсеге ілінбеу керек. Маған ондай хейт жоқ енді. Мен ашуланшақ адаммын негізі. Тіпті жанымда адам төбелесіп жатса да, мен кіріспеймін. Өйткені Құдай танымалдылық берді ме, шыдау керек сынағына. Сәл-сәл ұятсыздығым бар шығар. Хаттарына қарап отыра бермеймін, қара тізімге салып тастадым.

Оның несін сотқа бересің? Кәмелетке толмаған кішкентай қыз. Қазір ештеңе айтқым келіп тұрған жоқ. Халық мені де танымайды, ол қызды да танымайды. Халық тек көргенін айтады", - деді блогер.

Мақаланың түпнұсқасы: https://kaz.nur.kz/showbiz/1993009-tanymal-otandyq-bloger-ozin-zorlamaq-boldy-dep-aiyptagan-beitanys-aruga-qatysty-oqiganyn-man-zaiyn-aitty-video/