"Пәк қыз" іздеген отандық актер желіге бейтаныс арумен сурет жүктеді (фото)

Опубликовано:

Еркебұлан Тоқтар
Еркебұлан Тоқтар. Фото: instagram.com/erkebulan_toktar

Осыған дейін болашақ жарына қандай талап қоятынын айтқан отандық актер Еркебұлан Тоқтар әлеуметтік желіге белгісіз арумен сурет жүктеп, көпшілікті қызықтырып қойды, деп жазады KAZ.NUR.KZ.

Актер жұмыс барысымен Дубайға аттанған. Алайда шетелде жүрген ол әлеуметтік желіге бейтаныс арудың тізесінде жатқан суретті жүктейді. Бірақ Еркебұлан Тоқтар бейтаныс арудың түрін көпшілікке көрсетпеген.

Ал кейінірек актер бейтаныс арумен түскен суретіне байланысты мәлімдеме жасады. Оның айтуынша, бойжеткен оның сүйіктісі емес, актриса екен.

"Бұл менің қызым емес. Түсірілім жұмыстары ғой. Фотосессия ғой, фильм түсіріп жатырмыз. Жақын арада үйленбеймін. Осымен бұл тақырыпты жабайық", - деп жазды Еркебұлан Тоқтар.

Естеріңізге сала кетейік, осыған дейін актер талғамына сай қыз таппай жүргенін айтқан болатын.

"Мен қазір таңдап жүрмін. Мінезіме сай келмей қалады. Көбіне бір себеппен сай келмей қалады. Маған пәк қыз керек. Жоқ, білмеймін таппай жүрмін. "Неге?" деп сұрайды қыздардың көбісі. Менің талғамым сол. "Маған көзі көк қыздар ұнайды" десем, "Неге" деп сұрамайды ғой.

Менің талғамым сондай, маған сондай қыз керек. Ол менің таңдауым. Мен тікелей сұрап, басын бірден ашып аламын. Басын бірден ашып аламын. Өйткені уақытымды құртқым келмейді. Мен оның жағдайын жасаймын, уақытымды құртамын, жұмысымды тастаймын. Мен онымен үйленбейтін болсам, уақытымды құртып не істеймін?", - деген болатын актер.

Еркебұлан Тоқтар
Еркебұлан Тоқтар. Фото: instagram.com/erkebulan_toktar

Мақаланың түпнұсқасы: https://kaz.nur.kz/showbiz/1998748-pak-qyz-izdegen-otandyq-akter-zelige-beitanys-arumen-suret-zuktedi-foto/