"Дастарқан басында әрең отырдым": Сырқаттанып қалған Роза Әлқожа көпшіліктен кеңес сұрады

Отандық әнші Роза Әлқожа сырқаттанып қалғанын айтып, желі қолданушыларынан кеңес сұрады. Өнер иесі дертінің әсерінен екі күнді ұйқысыз өткізгенін Instagram желісінде баяндады, деп жазады KAZ.NUR.KZ.

"Жыл да аяқталып қалды. Келер күннен тек жақсылық күтеміз. Үш күн система алып, емделген едім. Ақтауға ұшып кетіп, дәрі ішіп, тамақты жылы ұстап-ақ жүргенбіз.

Ақтөбеде кеш біткен соң жөтел күшейіп, дастарқан басында әрең отырдым. Жазылған сияқты едік, қайта күшейіп кетті. Түнде ұйқы жоқ, екі күн болды. Ұшақтан түсе сала ем алып бастадық. Көк жөтел дегенді ұға бастағандаймыз. Немен емделіп жатырсыздар?", - деп жазды әнші.

Ал желі қолданушылары әншіге өзі жазылған ем түрлерін айтып, түрлі кеңес берді.

"Суды көбірек ішіңіз", "Тезірек сауығып кетіңіз", - деп жазды желідегілер.