Мақпал Жүнісова танымал журналистің анасына бриллиант жүзігін шешіп берді (фото)
Жарияланған күні:
Мақпал Жүнісова танымал тележүргізуші Мақсат Толықбайдың анасына өзінің бағалы сыйлығын табыстады. Бұл туралы Kyn.kz сайтына сілтеме жасаған KAZ.NUR.KZ хабарлайды.
Әнші журналистің өтінішімен тойға қатысқан.
"Маған Мақсат хабарласып: "Анамның туған күні еді, келіп, ән салып берсеңіз", - деп өтінішін айтты... Өзім Алтынбек ағамның тойына барған едім. Сол жерден осында қашып келдім. Мақсатты сыйлағандықтан. Бірақ мен не сыйлаймын?
"Үйден шығып кетіп едім", - дедім бірден. Сөйтсем: "Сыйлығыңыз әніңіз ғой", - дейді. Содан әрі ойланып, бері ойланып, Мақсаттай мықты журналисті өсіріп, баққан Алмагүл құрдасыма қолымдағы бриллиант сақинамның бірін сыйлыққа берейін деп шештім. Ал қолыңызды әкеліңіз",- деген Мақпал Жүнісова тойхана төрінде журналистің анасына жүзігін шешіп берді.
Тойдағы халық әншінің жомарттығына тағы да таңдана қарады. Ал тележурналистің анасы әншіге алғысын жаудырған.
Мақаланың түпнұсқасы: https://kaz.nur.kz/showbiz/2008060-maqpal-zunisova-tanymal-zurnalistin-anasyna-brilliant-zuzigin-sesip-berdi-foto/