"Әлемдегі ұлы әншілердің бірі": АҚШ-тың ең танымал композиторы Димашқа қалай құрмет көрсетті

Танымал қазақстандық әнші Димаш Құдайберген АҚШ-тың ең танымал композиторы Уолтер Афанасьевпен кездесті. Олар 2017 жылы танысқан, деп жазады dimash.news Instagram парақшасына сілтеме жасаған KAZ.NUR.KZ.

Музыканттар кеше Лос-Анджелесте Уолтердің студиясында болашақ ынтымақтастықты талқылап, әлеуметтік желіде суретпен бөліскен.

"Әлемдегі ең ұлы әншілердің бірі және қымбатты досым Димаш сәлемдесу үшін келді", - деп жазды композитор.

Афанасьев көптеген жылдар бойы Мэрайя Кэри, Кристина Агилера, Дестинис Чайлд, Рики Мартин, Лара Фабиан және т.б. сияқты әлемдік музыка индустриясының жұлдыздарымен табысты қызметтес болды.

Композитор - "Жылдың үздік жазбасы" және "Жыл продюсері" аталымдары бойынша Грэмми сыйлығының иегері.