"Қоқысты да тастамайды": Байзақова інісіне тұрмысқа шыққысы келетін аруларға ескерту жасады

Блогер Айжан Байзақова інісіне тұрмысқа шыққысы келетін аруларға үндеу жолдады. Байзақова інісінің тіпті қоқыс тастамайтынын айтты, деп жазады KAZ.NUR.KZ.

Блогер Instagram парақшасында інісін сұрақтың астына алған.

Видеода Байзақова інісінен әйелі ауырып қалса, оған қалай ас дайындап беретінін сұрады.

Ал блогердің інісі жеткізу қызметіне жүгінетінін, ғаламтор болмаған жағдайда әйеліне жұмыртқа қуырып беретінін айтты.

"Қысқасы, қыздар! Егер оған тұрмысқа шыққыларыңыз келсе, айтарым: ол ас дайындай алмайды. Мысалы, Түркия, Грузия, Өзбекстан елдерінде көбіне ер адам ас дайындайды. Ал бізде ер адамдар ештеңе жасамайды, иә? Біздің ерлеріміз өмірдің рахатын көруде. Міне, бұл да дайын асқа келді. Тіпті қоқыс та тастамайды. Тек ақшаға келіседі", - деді Айжан Байзақова.