Top.Mail.Ru

Сайт нұсқасы

ru kz

Зектілері

"11 жасымнан жұмыс істедім": Зағип әнші Кенжебек Нұрдолдай өмірдегі тауқыметі жайлы сыр шертті

Опубликовано:

Кенжебек Нұрдолдай
Кенжебек Нұрдолдай "Песни от души" эфирінде. Видеодан кадр: Youtube/ Kenjebek nurdolday

Әлеуметтік желі арқылы әндерімен көпшілікке танылып, Тимур Балымбетовке сұхбат берген қарағандылық жас әнші Кенжебек Нұрдолдай әкесінен 11 жасында қалғанын жеткізді. Өмірде көрген тауқыметі туралы баяндаған өнер иесі отбасын асырау үшін еңбекке ерте араласқанын айтады, деп жазады KAZ.NUR.KZ.

"11 жасымнан жұмыс істедім. Әкем өмірден өтті. Сосын бір жыл қалыпқа келдім. 11 жасымнан отбасыма көмектесуім керектігін түсіндім. Сондықтан ойынға уақытым болмады. Солай болды. Үнемі ақша болмайтын.

Мысалы, мектепте әр бейсенбі күні балалар киноға баратын. Мені өздерімен алмайтын. Себебі, тіпті жолақыға ақшам болмайтын. Сөйте тұра мен жұмыс істеп, отбасыма ақша жіберіп отырдым. Бұл жайлы ешкім білмеді", - деді Кенжебек Нұрдолдай.

Сонымен қатар жас әнші қазіргі танымалдығын қалай қабылдайтынын да айтып берді.

"Әр нәрсенің бағасын түсінуім үшін Алла Тағала мені осылай жетелегеніне шүкіршілік етемін. Іштей өскен сайын Алла маған бар жақсысын береді. Ал қазіргі табысым, танымалдығыма келетін болсам, мұның бәрін әдеттегідей қабылдаймын.

Кейде мұның қалай болғанын түсінбеймін, бірақ қарапайым адам болуға тырысамын. Бір күні бәрінің кетерін білемін, сондықтан аяғымның астында жер барын ұмытпаймын", - деді әнші.

Естеріңізге сала кетейік, осыған дейін Кенжебек Нұрдолдай ата-анасының қолдауы жайлы айтып, жан сырын ақтарған еді.

Мақаланың түпнұсқасы: https://kaz.nur.kz/showbiz/2014916-11-zasymnan-zumys-istedim-zagip-ansi-kenzebek-nurdoldai-omirdegi-tauqymeti-zaily-syr-sertti/