Отандық танымал блогер жаяу курьер болып жүрген азаматқа мопед сыйлады (видео)
Жарияланған күні:
![блогер NNN блогер NNN](https://cdn.nur.kz/images/1120x630/8c7082b2a7e55605.jpeg)
Көпшілікке NNN лақап атымен танылған блогер Нұрдәулет Бектұрсын жаяу жеткізу қызметін атқаратын орта жастағы азаматқа мопед сыйлады. Курьер қызметін атқаратын адамға жасаған тосынсыйды блогер Instagram желісінде жариялады, деп жазады KAZ.NUR.KZ.
Видеодан Нұрдәулет пен достарының жаяу жеткізу қызметін атқаратын азаматты кездестіріп қалғанын байқауға болады. Ол кісі алғашында блогермен сөйлесуге келіспей, тапсырысты жеткізуге асығып тұрғанын айтады.
"Уақытым жоқ. Үш минутта жеткізбесем, штраф салады. Мопедім осы", - деп қос аяғын көрсетеді орта жастағы тапсырыс жеткізуші блогерге.
Осыдан соң блогер мен достары аталмыш азаматпен бірге тапсырысты жеткізіп, соңында ол кісіге мопед сыйлайды.
Видеодан мұндай сыйлықты күтпеген ер адамның алғыс айтып, мопедті мініп кеткенін көруге болады.
Ал желі қолданушылары блогердің бұл ісін құптап, жақсылығы үшін алғыс айтты.
"Жарайсың", "Қасиетті Рамазан айында сауапты іс жасадың", "Сен сияқты азаматтар көбейе берсін", - деп жазды желідегілер.
Мақаланың түпнұсқасы: https://kaz.nur.kz/showbiz/2015558-otandyq-tanymal-bloger-tapsyrysty-zayau-zetkizusige-moped-syilady-video/