Анар Батырхан: Қалтасында бір тиыны жоқ жігітке қарамаймын

Тележүргізуші Анар Батырхан "Қыздар-ай" бағдарламасында қалтасында бір тиыны жоқ жігітке қарамайтынын ашып айтты. Бағдарлама барысында актриса өзіне дәрі алып бере алмаған азамат жайлы да жасырмай баяндап берді, деп жазады KAZ.NUR.KZ.

"Әр қыз болашағын жарқын көргісі келеді. Қандай да бір ақшасы болғанын қалайсың ғой енді. "Қалтамда бір тиыным жоқ, бірақ мен саған ғашықпын" десе, әрине, мен қарамаймын", - деді Анар Батырхан.

Сонымен қатар тележүргізуші өзіне дәрі алып бере алмаған жігіт жайлы да жасырмай айтып берді.

"Мен дәріханаға барып тұрмын. Өзі көліктен шығып, маған есікті ашып берді. Ауырып тұрмын. Сонда мен "осындай дәрі" деп айттым. Бір ғана дәріні айттым. Жанына тағы бірнеше дәрі қосып, "Тағы не аласың" деп қамқорлығын көрсетсе болады ғой.

Осындай кішкентай нәрседен оның кейін саған қаншалықты қомқор болатынын білесің. Сол іс-қимылына қарап, мен "Енді маған хабарласпай-ақ қой. Болды. Соған шыдайтын қызды тауып ал" деп айттым", - деді Анар Батырхан.

Естеріңізге сала кетейік, осы уақытқа дейін қандай жігітке тұрмысқа шыққысы келетінін айтқан болатын.