Әсел Сәдуақасова жолын ашып берген Ерке Есмаханға алғыс айтты (фото, видео)

Өзінен 7 жас кіші сүйіктісін жолықтырған Әсел Сәдуақасова әнші Ерке Есмаханға алғыс білдірді. Актриса бұл жайлы Instagram парақшасында жазды, деп хабарлайды KAZ.NUR.KZ.

"Мен ғашық болып қалғанымды білгенімде қатты қуандым. Бірақ оның менен кіші екенін түсініп, ойға батып жүрдім. Мен өмірде кездесетін белгілерге сенемін. Таиландта жүріп, осы туралы ойландым. Сондықтан бір белгі берілетін сәтті күтуге шешім қабылдадым.

Ойлардан арылып, әлеуметтік желіні ашқаным сол еді, Гүлназ Жоланова Ерке Есмаханның мешітте неке қиған суретін жариялағанын көрдім. Бұл маған берілген белгі еді. Мен түсіндім дедім де, "Ерке, жаным, рахмет" деп Ерке Есмаханға алғысымды білдірдім. Расында, Ерке шектеу мен қатып қалған көзқарастан менің жолымды ашты", - деп жан сырын ақтарды Әсел Сәдуақасова.

Айта кетейік, әнші Ерке Есмахан өзінен 12 жас кіші отандық әнші Раим Бақтыгереевпен мұсылманша некесін қидырып, отау құрған болатын.

Естеріңізге сала кетейік, осыған дейін Әсел Сәдуақасованың сүйіктісі жайлы ақпарат желіге тарап кеткен болатын. Актрисаның таңдауы өзінен 7 жас кіші азаматқа түскен.