Перуде Димаш Құдайбергеннің Together бейнебаянын көрсететін экрандар іске қосылды (фото)

23 сәуірде Перу астанасы Лиманың екі ірі сауда орталығында Димаш Құдайбергеннің Together жаңа музыкалық бейнебаянын көрсететін жарнамалық экрандар іске қосылды, деп хабарлайды dimashnews.com.

Сайт мәліметінше, жоба 2023 жылдың ақпан айында қазақстандық орындаушы DQPeruWorld және Dimash FC Peru Dears екі Перу фан-клубының бірлесуімен және DQ Dear және Dimash Qudaibergen Serbia шетелдік фан-клубының ынтымақтастығымен жүзеге асырылды.

Фан-клубтар елдің ең ірі және ең көп баратын екі Mega Plaza & Jockey Plaza сауда орталықтарында 22 жарнамалық экранда Together бейнебаянының көрсетілімін дайындаған.

"Перудегі Together жобасы қарапайым жарнамалық науқаннан әлдеқайда ауқымды. Бұл Димаштың керемет талантын барлық перуліктермен бөлісу мүмкіндігі. Біздің жоба барлық перулік Dears жанкүйерлерін біріктіру және Димашқа Перуде оны жақсы көретінімізді және оған таңғалатынымызды көрсету мақсатында үлкен махаббатпен жасалды", - деп бөлісті фан-клуб әкімшілігі.