"Некемізді қидық": режиссер Қуаныш Бейсеков белгілі актрисаға үйленді (фото)

"Ирина Кайратовна" тобының клиптеріне режиссерлік еткен Қуаныш Бейсеков пен актриса Ғазиза Тілеубай мешітте некесін қидырды. Бұл туралы режиссердің өзі әлеуметтік желіде хабарлады, деп жазады KAZ.NUR.KZ.

"Алланың қалауымен некемізді қидық", - деп жазды Қуаныш Бейсеков Instagram парақшасындағы stories бөлімінде актрисамен бірге түскен фотосын жариялап.

Сондай-ақ желіде жас жұбайлар неке қию рәсімінен кейін саябақта қыдырып жүрген сәтінен видео да жариялады.

Айта кетейік, режиссердің жұбайы - Ғазиза Тілеубай қалың көрерменге "Қазақ хандығы. Алмас қылыш" және "Қазақ хандығы. Алтын тақ" тарихи фильмдері арқылы таныс. "Алтын тақта" ол Бұрындық ханның әйелі Қызданайдың рөлін сомдайды.

Сондай-ақ актриса "Мағжан", "Сүйе білсең" сияқты бірқатар отандық фильмдер мен сериалдарға түскен. Бұдан бөлек, ол жеке кәсібімен айналысады.

Мәтіннен қате тапсаңыз, бізге жазыңыз