"Өздері қымсынады": Мирас Жүгінісовтің анасы қандай ене екенін айтты (видео)

Отандық танымал әнші Мирас Жүгінісовтің анасы қандай ене екенін айтты. "Ұйқым келмейді" бағдарламасына келген әншінің анасы жан сырын ақтарды, деп жазады KAZ.NUR.KZ.

"Қатты дауыс көтермеймін, бірақ өздері қымсынады. Менің кіріп-шыққанымның өзі бәрін тәубесіне келтіріп отырады. Қатты айқайлаудың да қажеті жоқ шығар.

Бала айтқаныңды істемейді, істегеніңді істейді. Өзің дұрыс жүретін болсаң, қолдан келгеніңді жасасаң, оны көрген бала да, келін де артыңнан еруге тырысады", - деді Мирас Жүгінісовтің анасы Айнұр Жүгінісова.

Сонымен қатар анасы ұлы Мирас Жүгінісовке үйлену жайлы жиі айтатынын да жеткізді.

"Үйленбейсің бе" десек, "Уақыт жоқ" дегенді ғана айтады. Бірақ өзі қазақи отбасы болғасын достарымыздың, жақсы араласатын ортаның қыздарын айтып отырамыз", - деді танымал әншінің анасы.

Мәтіннен қате тапсаңыз, бізге жазыңыз