"Менің алдымда қадірі қалмады": Ұланғасыр Қами өзі туралы теріс пікір айтқан әншілер барын жеткізді

Жас әнші Ұланғасыр Қами Базарlike бағдарламасында қонақ болды. Сұхбат барысында ол өзі жайлы теріс пікірде болған әріптестері жайлы да айтты, деп жазады KAZ.NUR.KZ.

"Қызыл раушан" шықпай тұрып, мен бір әншілерді тыңдайтынмын. Қатты тыңдайтынмын. Кейін "Қызыл раушан" шыққан соң, олардың мен туралы теріс пікір айтқанын естідім. Содан кейін ол кісілердің менің алдымда ешқандай қадір-қасиеті қалмады. Оған өздері кінәлі деп ойлаймын. Әйтпесе, тап сол кісілерді мен жоғары санап жүретінмін. Олар мен жайлы неге олай айтты?! Мен өмірімде кездесіп көрмеген адамдар солай айтқан ғой. Өмір сондай шығар, мүмкін", - дейді Ұланғасыр Қами.

Сондай-ақ әнші өзінің гонорары 100 мың теңгеден 2 миллион теңгеге дейін өскенін жасырмай айтты.

"Тойдағы алғаш гонорарым 100 мың теңге болған. Қазір енді айта береді ғой. Өзім Алматыда тұрамын. Қаланың ішіндегі кез-келген тойға 500 мың теңгеге барамын. Ал сырттағы кез-келген қалаға бару құным - 2 миллион теңге. Алматыда бір күнде 10 тойға шақырту түседі, соның жеті-сегізіне үлгеріп барамын", - деді Ұланғасыр.