Қазақша стэндаперлер: Кей театр залды тіпті жалға бермейді (видео)

Отандық стэндап комиктері "Қызықтаймс" бағдарламасына келіп, жаңалығын бөлісті. Қазақстандық стэндаперлер өздеріне кей театрдың жалға берілмейтінін айтып, сырын ақтарды, деп жазады KAZ.NUR.KZ.

"Стэндаппен айналысқан бірінші адамбыз деп айта алмаймыз. Әйтеуір, стэндаппен айналысқымыз кеп, бастап кеттік. Алайда, біздің менталитетке жақпай жатыр. Әлі қабылдай алмай жатыр. Кейбір театрлар залды тіпті жалға бермейді", - деді стэндапер Ғалымжан Жанықұлов.

Ал бағдарлама барысында Жансая Мұратбекова стэндапер арасында жалғыз қыз екенін атап өтті.

"Негізі қыздарды тартамын. "Келіңдер, көмектесейін" деймін. Бірақ қыздар орта жолдан сынып қала береді. Негізі тұрмыс құрғанмын, бала бар. Кедергі келтірмейді. Қайта күйзелісімді сол жерде шығарамын. Бар мәселемді сол жерде айтамын", - деді Жансая.