"Біреуге кесірімізді тигіздің ғой": Саят Медеуов қалай жол апатына түскенін айтты

Әнші Саят Медеуов осыдан біраз уақыт бұрын жол апатына түскенін айтқан болатын. Өнер иесі Нартай Аралбайға берген сұхбатында жол апатынан соң далада оянғанын баяндап берді, деп жазады KAZ.NUR.KZ.

"Апатқа түскенім де дұрыс болды. Себебі, жанымдағы жігіт ұйықтап кетті. Мен ауруханада жатқанда "Егер менің апатқа түсуім елге сабақ болса, мен қуаныштымын. Апатқа түскенім дұрыс болды" дедім. Себебі, ұйықтап кетіп жолға шығу, шаршап отырып жолға шығу дегенді тоқтатуымыз керек. Сол үлкен сабақ шығар.

Апатқа түскенде, далада ояндым. Қимыл бар, отырмын. Біз ұйықтаймыз деп келіскенбіз ғой. Жанымдағы туысым бір жерге жетіп алу үшін ұйықтамай жүре берген. Жолда қалғып кеткен. Өзіміздің ақымақтық қой. "Біреуге кесірімізді тигіздің ғой. Ұйықтауың керек еді ғой" деп айттым. Ол кезде кімді қақтық, не қақтық білмеймін. Бір жедел жәрдем тұр. Сол сәтте есімді білер-білмес отырдым-ау деймін. Көлікпен соқтығысқанбыз. Олар аман, шүкір! Біз кінәліміз ғой, ұйықтамағанбыз. Бауырды кешірмей қайда барамыз?", - деді Саят Медеуов.