Әйгілі италиялық әнші Тото Кутуньо дүниеден озды

Әйгілі италиялық әнші Тото Кутуньо 80 жасында дүниеден озды. Бұл туралы жергілікті ANSA ақпарат агенттігі хабарлады, деп жазады KAZ.NUR.KZ.

Басылым мәліметінше, әнші бүгін, 22 тамызда жергілікті уақыт бойынша 16:00 шамасында Миландағы Сан-Раффаэль ауруханасында қайтыс болған.

Әншінің қазасы жайлы ақпарат агенттігіне оның менеджері Данило Манкузо хабарлаған.

Манкузоның айтуынша, ұзаққа созылған дерттен соңғы кезде Тото Кутуньоның жағдайы нашарлап кеткен.

Тото Кутуньо 1943 жылы 7 шілдеде Италияның Фоздиново қаласында дүниеге келген. Ол әлемге L'Italiano әнімен танымал. Сондай-ақ Тото Кутуньо кезінде әлемде хит болған Il tempo se ne va, La mia musica, Solo noi сынды танымал әндердің авторы.