"Дінге қызмет жасайтын мешіт бар": сатирик Асқар Наймантаев өнер мен дінді байланыстырмау керектігін айтты

Сатирик Асқар Наймантаев өнер мен дінді байланыстырмау керектігін айтты. Өнер иесі NEGE.KZ сайтына берген сұхбатында әркім өз ісімен айналысқаны дұрыс екенін жеткізді, деп жазады KAZ.NUR.KZ.

"Дінді сахнада насихаттап жүрген адамдарға қарсы емеспін. Ол өздерінің ұстанымы. Сондықтан өздері біледі.

Тек бір қарынымды аштыратын дүниені айтайын: өнер мен дінді байланыстырудың қажеті жоқ. Себебі, дінге қызмет жасайтын мешіт бар. Әркім өз ісімен айналысқаны жөн", - деді Асқар Наймантаев.