"Отбасым жанымда жоқ": Жаһан Отарғалиевтің кезекті премьерасына жұбайы Балжан Бидаш келмеді

Актер әрі әзілкеш Жаһан Отарғалиев өзінің үшінші фильмін жарыққа шығарды. Фильмнің премьерасына оның отбасы мүшелері келмеген, деп жазады NTK Entrtainment бағдарламасына сілтеме жасаған KAZ.NUR.KZ.

"Пәтерімді алдым. Аллаға шүкір, пәтерім бар. Джохан-1 фильмінен кейін алдым. Үйімді сатып, кино түсірдім де, үйімді қайтадан ақтап алдым.

Бұл жолы қасымда отбасым жоқ. Әкем жұмыста, анамның қолы тимей қалды. Қасымда бауырларым бар. Сол үшін жалғыз емеспін, Аллаға шүкір", - деді Жаһан Отарғалиев.

Еске сала кетейік, бұған дейін желіде Жаһан мен жұбайы Балжан Бидаштың ажырасып кеткені жайлы хабарланған.

Кейін бұл ақпарды Балжанның өзі растап, жазба қалдырды.