Top.Mail.Ru

Сайт нұсқасы

ru kz

Зектілері

Әнші Нұржан Қалжан "Бұлбұл құс" әнін айтуға келісім бергені үшін басы дауға қалғанын айтты

Опубликовано:

Нұржан Қалжан
Нұржан Қалжан. Фото: instagram.com/nurzhan_halzhan

"Бұлбұл" құс әнімен танылған өнер иесі Нұржан Қалжан "Ninety one" тобының солисіне осы әнді айтуға келісім бергені үшін әннің авторларымен арада түсініспеушілік болғанын айтты. Бұл туралы Нұржан Қалжан Жетінші арнадағы "Жұлдызды шаңырақта" бағдарламасында әңгімелеп берді

"Жұлдызды шаңырақта" бағдарламасына сұхбат берген әнші Нұржан Қалжан өміріндегі айтулы оқиғаларын бөлісті. Соның бірі "Бұлбұл құс" әнін басқа әншіге орындауға келісім бергеннен кейін туған дау туралы айтып берді.

"Бұлбұл құсты" "Ninety one" тобындғы Ace орындап шықты. Олар маған хабарласып, "аға осындай әніңізді айтайын деп жатырмыз"- деді. Келістім. Қазіргі жастардың көзқарасымен, орындауымен қалай болады екен деп тыңдадым. Ұнады. Өзіндік ерекшелігі бар. Менің алдымнан өтті", - деді Нұржан Қалжан.

Өнер иесі бұл жағдайдың соңы ән авторларымен арада түсініспеушілікке әкелгенін атап өтті.

"Алдымнан өткенмен бұның арты айқай-шуға ұласты. "Бұлбүл құстың" авторлары "әнді беретін сен автор емессің. Сенің әнің емес" деген секілді сондай дүниелер болды.

Мен де біреудің әнін айтатын болсам, Мейрамбек ағаның айтып жүрген әнін айтатын болсам, әншіден, орындаушы ретінде одан рұқсат сұрауым керек. Авторы басқа кісі болғанмен, мен әншінің алдынан өтуім керек. Олар сондай оймен сұрады, мен де сондай оймен жауап бердім. Ол кісілер сен автор емессің деп біраз түсініспеушілік болды. Ақырында, сол кезде шешіліп, келісіп, тақырып жабылды", - деді әнші.

Мақаланың түпнұсқасы: https://kaz.nur.kz/showbiz/2036881-ansi-nurzan-qalzan-bulbul-qus-anin-aituga-kelisim-bergeni-usin-basy-dauga-qalganyn-aitty/