"Жұлдыздың көшірмесі": Гүлзира Айдарбекованың кіші ұлы елге сүйіктісін көрсетті (видео)

Продюсер Гүлзира Айдарбекованың кенже ұлы Заңғар Нұртас көпшілікке сүйіктісін көрсетті. Ол Instagram белгісіз бойжеткенмен түскен видеосын жариялады, деп жазады KAZ.NUR.KZ.

"Әлеміме қош келдің", - деп жазды Заңғар Нұртас.

Ал желі қолданушылары Заңғардың сүйіктісімен жарасымды жұп екенін айтып, жарыса пікір жазды.

"Жарасымды жұп", "Бақытты бол", "Жұлдыздың көшірмесі екен", "Әйгерімге ұқсайтын сияқты", "Әдемі жарасады екенсіздер", "Қуаныштымын", "Қарай бергің келеді", "Барлық адам бақытты болуға лайық", - деп жазды желідегілер.

Естеріңізге сала кетейік, Заңғар Нұртас бір жыл бұрын бірінші әйелінен ажырасқан болатын. Бұл жайлы Заңғар биылғы жылдың басында мәлім етті.

"Ажырасқанымызға бес ай болды. Қазір оқырмандардың көбісі "Түрі суық, мынадай келін болды" деп айтады. Ондай келін болған жоқ. Жақсы келін болды. Бәрі керемет болды. Сыйластығымыз қазір де жақсы. Бірақ, сондай жағдай болып қалды. Оған нақты не себеп болғанын айта алмаймын, ол жеке нәрсе. Бастарыңызға бермесін", - деді Заңғар Нұртас.