Әбдіжаппар Әлқожа 18 жыл бұрынғы суретін көрсетті (фото)

Отандық әнші Әбдіжаппар Әлқожа желіде жасөспірім шағындағы суретін жариялады. Өнер иесі Instagram парақшасында әпкесі Роза Әлқожа екеуінің 18 жыл бұрынғы кезін көрсетті, деп жазады KAZ.NUR.KZ.

"2005 жыл. "Ауылда жүрсе өспейді", "Өзі бұзық бала", "Қазірден бастап өнерге баулу керек", "Байқауға шықсын, ән айтсын", "Сахнаға шықсын" деп, осы суреттегі қалпыммен өнерімді бастаған едім.

Негізі Роза Әлқожамен ең бірінші дуэт айтқан менмін. Алтын Махамбетова апайдың басқаруындағы "Әнші болғым келеді" байқауы болатын. Республика сарайындағы алғашқы қадамым, үш мың адамның алдында ән айттым. Содан бері 18 жыл өтті", - деп жазды Әбдіжаппар Әлқожа.

Желі қолданушылары әншінің жас күніне баға беріп, түрлі пікір қалдырды.

"Қазағымның еркесі", "Жарайсың, балам", "Өрлей бер", "Керемет", "Сүйкімді бала болыпсың", "Әртіс бала екенің көрініп тұр", - деп жазды желідегілер.