"Атыма біртүрлі қарайтынмын": Дулыға Ақмолда есіміне қатысты қызықты жайтты айтты

Отандық танымал актер Дулыға Ақмолда өз есіміне қатысты көпшілік білмейтін жайтты ақтарды. Өнер иесіне бұндай ерекше есімді атасы берген екен. Алайда ол бала кезінде өз атына үйренісе алмай жүрген, деп жазады KAZ.NUR.KZ.

Дулыға Ақмолда "Түнгі студия" бағдарламасында өз есіміне қатысты қызықты жағдайларды айтып берді. Актер кезінде біреумен танысқанда атын бірнеше мәрте қайталап айтуға мәжбүр болған.

Кейбір ұстаздары оны Дуғыла деп атаса, тағы бірі Шұғыла деп айтады екен.

"Менің атымды атам қойған. Бала кезімде Дулыға деген атқа біртүрлі қарайтынмын. Адамдармен танысқанда атымды төрт рет қайталайтынмын. Театрға келген кезімізде де апайларымыз атымды атай алмай қалатын. Хадиша Бөкеева біздің үлкен ұстазымыз мені Дұғыла деп кетті. Біреулер Шұғыла дейді. Менің атымды мың құбылтады. Бір ағайым Дуглас дейді. Кейінгі жастар Ду аға деп кетті.", - деді ол.

Алайда кейіннен өнер иесі білікті адамдардан атының шығу тарихын біліп, атасы өзіне жақсы есім таңдағанын түсінген.

"Дулыға деген батырдың бас киімі ғой. Кейін атама риза болдым. Себебі Алматыға келіп, көпті көрген адамдармен таныса бастадық. Тұрсын Жұртбаев ағамыз "Дулыға" деген екі томдық кітап жазған. Сол ағаммен бір кездесіп қалғанда Дулыға деген сөздің шығу тарихын айтып берген. Сол кезде ғана атамыз атымды дұрыс ұойған ғой деген ой келді", - деді актер.

Мәтіннен қате тапсаңыз, бізге жазыңыз