"Жаңа жылды Алматыда қарсы алатын": Әзілкеш Дастан Қалдыбаев Назарбаев әулетінің тойларында өнер көрсеткен кезін еске алды

Отандық танымал актер әрі әзілкеш Дастан Қалдыбаев Қазақстанның тұңғыш президенті Нұрсұлтан Назарбаевтың отбасылық қуаныштарында өнер көрсеткен кезін есіне алды, деп жазады KAZ.NUR.KZ.

Дастан Қалдыбаевтың айтуынша, Назарбаев "Казахи" КТК командасының әзілдерін жақсы қабылдайтын. Актер тұңғыш президенттің бірқатар отбасылық жиынында болғанын айтты.

“Біз әр ойын сайын Ресей және Қазақстан президентінің кездесуі туралы міндетті түрде көрсететінбіз (өнер - ред.). Одан кейін ол кісінің отбасылық іс-шараларына да шақырту алдық. Өте көп бардық, санын білмеймін. Баяғыда жыл сайын жаңа жылды Алматыда әулетімен бірге қарсы алатын. Біз міндетті түрде сол жердеміз (сонда барамыз - ред.).

Одан бөлек, той-томалақ, туған күн, балаларының үйлену тойы - бәрінде болдық. Әзілдерді жақсы қабылдайды", - деді ол "TalkLike" бағдарламасында.

Мәтіннен қате тапсаңыз, бізге жазыңыз