Ернар Айдар сырқаттанып қалған Жүрсін Ерманның қал-жағдайын біліп қайтты (видео)

Қазақстандық танымал әнші Ернар Айдар бүгінде сырқаттанып жатқан әйгілі ақын Жүрсін Ерманның үйіне барып, қал-жағдайын біліп қайтты, деп жазады KAZ.NUR.KZ.

Эстрада жұлдызы өнердегі ағасымен жолыққан сәтінен Instagram парақшасында видео жариялап, оны қалың көпшілік назарына ұсынған. Бейнежазбада әртістің гүл шоқтарымен Жүрсін Ерманның үйіне кіріп бара жатқанын көруге болады.

Ернар Айдар көптен бері көріспеген Жүрсін Ерманмен тілдесіп, оған домбырамен ән орындап берген.

"Бүгін Жүрсін Ерман атамның шаңырағына барып, жағдайын сұрап, біраз әңгімелесіп, қолқалаған соң домбырамен ән орындап, ақ батасын алып қайттым. Жүрсін ата, Алладан дертіңізге шипа тілеймін, 100 жасаңыз. Жүрсін атам баршаңызға сәлем жолдады", - деп жазды Ернар Айдар.

Желі қолданушылары әншінің әрекетін тәнті болып, Жүрсін Ерманға тез сауығып кетуін тіледі.