"Қыз босануға келемін": Ерке Есмахан перзентханада өзіне қандай жағдай жасалғанын көрсетті (фото)

Әнші Ерке Есмахан осыдан бірнеше күн бұрын екінші сәбиін өмірге әкелді. Жеке емханада босанған әнші перзентханада өзіне жасалған жағдайды көрсетті, деп жазады KAZ.NUR.KZ.

"Тазалықты, әдемілікті, жайлылықты жаным сүйеді. Перзентханада өзімнің және баламның көңілі үшін палатамды да өзім жабдықтадым.

5 жұлдызды қонақ үйде жатқандай болдық. Енді бұйырса, қызды босануға келемін", - деп жазды әнші Instagram парақшасында.

Сонымен қатар әнші екінші ұлы Исламның қанша салмақпен өмірге келгенін де көпшілікке көрсетті.

Суреттегі мәліметке сүйенсек, Ерке Есмаханның екінші ұлы 3620 грамм салмақпен дүниеге келген.

Сондай-ақ суреттен әншіге тарту етілген гүл жинағы мен Еркенің өзіне қажетті барлық жабдықты дайындап барғанын да байқауға болады.

Өнер иесі өзі жариялаған суреттен күйеуі Раимды да көрсетуді ұмытпады.

Ал желі қолданушылары Ерке мен Раимның махаббатына таңғалғанын жасырмай, жарыса пікір жазды.

"Жарайсың, Ерке. Бүкіл әлемге махаббаттың бар екенін дәлелдедің", "Мынадай перзентханада босансақ, жылда барамыз", "Енді қызды болыңыз", "Бауы берік болсын", "Үлгілі отбасы", - деп жазды желідегілер.