Top.Mail.Ru

Сайт нұсқасы

ru kz

Зектілері

"Бәрінен шаршап кеткенде шыққан еді": Мұхтар Ханзада "Шаршама" атты хит әннің шығу тарихын айтты

Опубликовано:

Мұхтар Ханзада
Мұхтар Ханзада. Фото: instagram.com/muhtar_hanzada

Ел арасында кең тараған "Шаршама" әнінің авторы Мұхтар Ханзада бұл әннің аты мен шығу тарихы ұқсас екенін айтты. Өнер иесінің айтуынша, ән өмірдегі сәтсіздіктерден шаршап, оның қиналған кезде шығарған туындысы екен. Бұл туралы музыкант "Еларна" телеарнасындғы Keshki vibe бағдарламасында әңгімелеп берді.

Бағдарламаға берген сұхбатында Мұхтар Ханзада 80-ге жуық ән, 15 бейнебаян жазған соң шығармашылық тоқырауға ұшыраған атап өтті.

"Жазғаның өтпегеннен кейін, көңілің де қала бастайды екен. Сол кездерде Астанадан Алматыға келдім. Пәтер жалдап тұрдым. Тағы 20 -ға жуық ән жаздық. Ақша да таусылды. Анадан, мынадан ақша аламыз. Дархан Дәулет шымкенттік ақын жігіт бауырым бар. "Сөз жазшы, көңілді болсын. Бәрінен шаршап кеттім" дедім. 15 минутта сөзін шығарып алып келді. "Тойда зор болады" деді. Маған ұнамады, сөздері де тым жеңіл сияқты көрінді", - деді ол.

Осылайша өнер иесі ән "бәрінен шаршап, тоқырауда жүрген кезде" шыққанын айтты. Оның айтуынша, досы әнді жаздыруға көндіріп, жарыққа шығарған. Алайда ән 1 жыл уақыт өткеннен кейін тойда шырқалған.

"Студияға барып, әнді жазып көрдік. Орындалмай 1 жыл тұрды. Бейнебаян да түсіріп көрдік. Клипті телеарнаға ақша тауып беріп едік. 15-20 күннен кейін Шымкенттен тапсырыс түсті", - деп баяндап берді музыкант

Мақаланың түпнұсқасы: https://kaz.nur.kz/showbiz/2050003-barinen-sarsap-ketkende-syqqan-edi-muxtar-xanzada-sarsama-atty-xit-annin-sygu-tarixyn-aitty/