"Екі немерем бар": Нұрқанат Жақыпбай шетелге тұрмысқа шыққан қызы туралы айтты

Қазақстан Республикасының қайраткері, режиссер Нұрқанат Жақыпбайдың тұңғыш қызы Италияда тұрады. Өнер иесі "Алғашқы" бағдарламасында шетелге тұрмысқа шыққан қызы жайлы айтты, деп жазады KAZ.NUR.KZ.

Өнер иесінің айтуынша, оның бірінші некесінен Ботагөз есімді қызы бар.

"Қызыммен қарым-қатынасым бар. 1971 жылы жаңадан театрға келгенмін. Ең алғашқы гастролім болатын. Атырауға гастрольге бардық. Қонақүйдің терезесінде отырдым. Бір уақытта хат келді. Жолдасым берген екен.

"Қызыңмен құттықтаймын" депті. Тура туған күніме келді. Екеуміздің туған күніміздің арасы - 2 күн. Өмірге қыз келді. Сол күні "Ботагөз" деген спектакль болатын. Сонда ойнайтынмын. Содан кейін бәрі жиналып, аты "Ботагөз болсын" деді. Ол қыздың аты - Ботагөз. Италияда тұрады. Шетелге тұрмысқа шықты. Екі немерем бар, бір ұл, бір қыз", - деді Нұрқанат Жақыпбай.