"Жүрек Құманды іздеп тұрады": Меруерт Өтекешова марқұм күйеуін еске алды

Қазақстандық танымал актриса Меруерт Өтекешова жары марқұм Құман Тастанбековты еске алып, оған деген сағынышын жеткізді, деп жазады KAZ.NUR.KZ.

Өнер иесі жолдасының қазасын әлі күнге дейін қабылдай алмай, сағынышын баса алмай жүргенін айтты.

"Әлі күнге дейін ағаларыңды минут сайын сағынамын. Іздеймін. Балаларым мен туысқандарым жанымда болса да, олар ағаңа жетпейді. Бәрі жан-жақтан менің көңілімді табуға тырысады. Бірақ бәрібір жүрек Құманды іздеп тұрады. Өзіме ең жақын адамдарым бұл дүниеде жоқ. 92 жасқа жетіп дүние салса да анамды жоқтаймын. Ата-енем, әке-шешем, бауыр етім балам, туған сіңлім кетті. Бәрін сағынамын. Олардың арасынан Құманның орны бөлек еді. Мені жарынан айырылған әйел заты ғана түсінеді. Өте ерте кетіп қалды. Айтылмаған әңгіме, ашылмаған сыр қалды арамызда”, – деді актриса "Жанымның жағалауы" бағдарламасында.