"Екіншісіне аяғы ауыр ма": Ерекше отбасылық суретін жариялаған Әли Оқапов елдің ыстық ықыласына ие болды

Қазақстандық танымал әнші Әли Оқапов желіде келіншегі Ақерке Бүркітбаймен түскен суреттерін жариялап, елдің жылы лебізіне ие болды. Желідегілер ерлі-зайыптының өзара үйлесімділігіне тәнті болған, деп жазады KAZ.NUR.KZ.

Жұлдызды жұп жаңа жыл қарсаңында ерекше отбасылық фотосессия жасап, оны Instagram желісінде жариялаған.

"Мәди маған "сен өмірімізге жасыл түсті әкелдің" деп айтады. Әли де жасыл түсті көп кимейтін "дым үйлесетін киім жоқ" деп айтатын. Қазір енді өздеріңіз көріп тұрсыздар. Айтпақшы, жасыл түс көз үшін қарауға ең пайдалы түс екен", - деп жазды Ақерке Бүркітбай.

Желі қолданушылары ерлі-зайыптыға жарыса жылы лебізін білдіруде. Кейбір оқырмандар тіпті Ақерке Бүркітбайдың екінші сәбиге аяғы ауыр екенін болжап жазды.

"Қандай әдемі әрі үйлесімді жұп", "Екеуі бір-бірі үшін жаралғандай, жарасымды сондай", "Көз тимесін. Бақытты болыңдар", "Балаларың көп болсын. Махаббаттарың баянды болсын", "Өте керемет жанұя, өздерімен өздері. Басқа әншілер сияқты емес", "Керемет жансыздар", "Меніңше, екіншісіне аяғы ауыр ма", - деп жазуда көпшілік.