"Жұлдыз, жақында келем": Қайрат Нұртас желіде отбасына өлең жолдарын арнады

Қазақ эстрадасының жарық жұлдызы Қайрат Нұртас желіде отбасы туралы жазба жариялап, келіншегі Жұлдыз Әбдікәрімоваға үндеу жасады. Бұл туралы KAZ.NUR.KZ хабарлайды.

Қайрат Нұртас Instagram парақшасында отбасына өлең шумақтарын жолдап, өз махаббатын жеткізді.

Бала-шағасына деген ыстық ықыласын білдірген әртіс соңында келіншегі Жұлдыз Әбдікәрімоваға үндеу жасады. Өнер иесі әйеліне жақында келетінін айтты.

"Отбасым ол - асқары арманымның, Әрбір атқан арайы таңдарымның. Ұл-қыз үшін - әкелік талпынысым. Жігерімді арнасам жанұяма, Жыр-әнімді арнадым халқым үшін! Жаратқанға мың алғыс әр күн үшін!

Жұлдыз, жақында келем", - деп жазды Қайрат Нұртас.

Посмотреть эту публикацию в Instagram

Публикация от Instagram

Айта кетейік, бұған дейін Жұлдыз Әбдікәрімованың жаңа жылға орай балаларымен жасаған фотосессиясы талқыға түскен болатын. Желі қолданушылары отбасылық суреттерде Қайрат Нұртастың жоқтығын байқап, актрисаға отағасына қатысты сұрақтарды жаудырған.

Мәтіннен қате тапсаңыз, бізге жазыңыз