"Қайта келгім келмейді": Түркияда емделіп жатқан Жахан Отарғалиев қазіргі жағдайын айтты

Бүгіде Түркияда емделіп жатқан танымал актер Жахан Отарғалиев қазіргі жағдайын айтты. Денсаулығы сыр берген өнер иесі оқырмандарын алаңдаумауға шақырды, деп жазады KAZ.NUR.KZ.

Жахан Отарғалиев Instagram желісінде байланысқа шығып, өзі үшін алаңдап жатқан көпшілікке қазіргі жағдайын айтты.

Соңғы айларда аураханаларды жағалап кеткен актер енді бұл жерге қайта келгісі келмейтінін жеткізді.

"Жақсы адам болу қиын заман болып кетті ғой. Бірақ кім не десе де, мен жақсылық жасауды, ойлауды, кемі жақсылық қалауды тоқтатпаймын. Ауырып қаламын деп ешкім ойламайды. Мен де ойламағанмын. Бірақ 4-5 ай бойы ауруханадан шықпадым. Аурудың да түрі бар. Енді осы жерге қайта келгім келмейді. Шын жанашыр достарым, денсаулықтарыңды күтіңдер" , – деп жазды әзілкеш.