"Әйелімнің арқасында көтерілдім": блогер Дархан Жолшыбеков табысының құпиясын ашты

Отандық танымал блогер Дархан Жолшыбеков "NNN Show" бағдарламасына сұхбат беріп, жеке өмірі мен табысы жайлы бар шындықты айтты. Бұл туралы KAZ.NUR.KZ хабаралайды.

Желі жұлдызы бүгінгі миллиондаған табысының құпиясын ашты. Дархан Жолшыбековтың сөзінше, бұндай жетістікке ол келіншегінің арқасында жеткен.

"Үйде қаражатты Дари ұстайды. Жеке отбасылық сейфте ақшаны сақтаймыз. Даридің арқасында көтерілгенім рас. Менің атағымның шығуына оның көмегі көп тиді. Осы уақытқа дейін түрлі қара жұмыс істедім. Даяшы, әр түрлі жұмыстарды және базарда сатушы болдым. Қазір де базарға бармаймыз деп айта алмаймын. Әйелім ұнаса, кейде киімін базардан алады. Өзім базардан киінбеймін", – деді блогер.

Сондай-ақ Жолшыбеков келіншегі тамақ істемейтінін айтты.

"Үйде көмекшісі бар. Дари осы күнге дейін тамақ істеген емес. Жұмыртқа ғана қуырады", - деді ол.