"101 роза": Мадина Сәдуақасованың жақындары оған тосынсый жасаған (фото)

Қазақ эстрадасының жарық жұлдызы Мадина Сәдуақасова желіде жақындары өзіне қандай тосынсый жасағанын көрсетті. Өнер иесінің жолдасы мен ұлы оған үйге кірген бойда 101 раушан гүлін тарту еткен, деп жазады KAZ.NUR.KZ.

Мадина Сәдуақасова Instagram парақшасында 101 раушан гүлімен түскен суретін жариялап, жақындары оны қалай күтіп алғанын көрсетті.

"Үйге кіріп келсем, мені осындай тосынсый күтіп тұр екен" деп жазды әнші.

Сонымен қатар кеше өнер иесінің жолдасы Олжас Смағұлов жаңа жасқа толды. Эстрада жұлдызы желіде отағасын құттықтап, ақ тілегін жолдаған.

Сәдуақасова күйеуі мен ұлының фотосессиядағы суретін ел назарына ұсынды.

Айта кетейік, бұған дейін Мадина Сәдуақасованың ақ көйлектегі видеосы желіде қызу талқыланғанын жазған болатынбыз.