"Қоңыр" тобының әншісі Жазира Қошанованың тұрмысқа шыққаны рас па

"Қоңыр" тобының мүшесі Жазира Қошанова кезінде тұрмысқа шығамын дегенімен, сол күйі босаға аттамағаны белгілі болды. Бұл жайлы оның әріптесі Бауыржан Асанбаев "Қызықты weekend" бағдарламасында айтып берді, деп жазады KAZ.NUR.KZ.

"Жазира бізде он жыл қызмет етті. Сосын рұқсат сұрап, тұрмысқа шығатын болды. Солай жарияланды. Алайда тұрмысқа шыққан жоқ. Жігітімен көңілі жараспаған сияқты. Жеке өмірін қатты зерттеп, сұрамадым. Жеке өміріне араласа алмаймын ғой. Бірақ бір сұрағанымда, көңілі жараспаған сияқты. Малайзияда бірнеше жыл жұмыс істеп, қайта келген жайы бар.

Біздің Гүлзат қызымыз тұрмысқа шығып, декреттік демалысқа кетті. Осы кезде өтініш жасап, Жазираны топқа қайта алдық. Сонымен қатар жеке мектепте музыкадан сабақ береді", - деді Бауыржан Асанбаев.

Еске сала кетейік, "Қоңыр" тобының әншісі күні кеше өз отбасы жайлы алғаш рет айтқан болатын. Өнер иесі үш баласы мен жұбайы жайлы және Алматы маңынан салып жатқан үйі жайлы баяндап берді.