"Қашып құтыла алмаймыз": Әсел Сағатова желідегі жігіттер назарына күйеуінің қалай қарайтынын айтты

Актриса Әсел Сағатова өзіне ғашық жігіттерге көзқарасы қандай екенін айтты. Өнер иесі REVUE NEWS бағдарламасында серілердің назарынан қашып құтыла алмайтынын жасырмады, деп жазады KAZ.NUR.KZ.

Актрисаның айтуынша, бұл жағдайға өзінің де, күйеуінің де еті үйренген.

"Әлеуметтік желіде тараған видео "Ирина Қайратовна" мен Hiro-ның жаңа альбомының тұсаукесерінде түсірілді. Ол видео трендке шығып кетеді деп күтпедім.

Жұрттың алдында жүргендіктен, бұл жағдай үйреншікті болып кетті. Әлеуметтік желіні белсенді жүргіземін. Сондықтан жігіттердің назарынан қашып құтыла алмаймыз", - деді Әсел Сағатова.

Сонымен қатар өнер иесі сұлулығының құпиясын айтты.

"Сұлулығымның құпиясы жоқ. Ашуланбауға тырысамын. Ашулансам, мінезімді бақылауда ұстауға тырысамын. Өзіммен жұмыс істеймін", - деді Сағатова.

Бағдарлама мәліметіне сүйенсек, актриса 2010 жылы тұрмыс құрған. Актриса 2014 жылы ана атанып, ұлды болған. Ал 2017 жылы Әсел Сағатова қызын дүниеге әкелді.