Денсаулығы сыр берген Құрманай Бақтиярқызы қазіргі жағдайын айтты (видео)

Осыдан бір ай бұрын Құрманай Бақтиярқызының денсаулығы сыр беріп, ауыр хәлде екені белгілі болған еді. Өнер иесі әлеуметтік желіге қайта оралып, оқырмандарына жағдайын бөлісті, деп жазады KAZ.NUR.KZ.

"Қазақ елінің барына, менімен ауырған жанына, маған дұға арнап атқызған таңына шексіз алғыс айтамын. Бүгін парақшамды өз қолыма алдым. Палатаға шыққалы біраз болса да, қолыма күшім енді оралды. Әлсіздік болғанымен көңілім орнында. Бәріңізді жақсы көрем", - деп жазды Құрманай Бақтиярқызы Instagram желісіндегі парақшасында.

Еске сала кетейік, осыған дейін Құрманай Бақтиярқызының ауыр хәлде екені анықталған болатын.

Кейінірек өнер иесінің есін жиғаны белгілі болды.