Актер Қобыланды Болаттың үшінші сәбиі өмірге келді (фото, видео)

Актер Қобыланды Болаттың үшінші перзенті дүние есігін ашты. Өнер иесі келіншегі мен үшінші сәбиін перзентханадан шығарып алды, деп жазады KAZ.NUR.KZ.

Өнер иесі ұлының дүниеге келгені жайлы Instagram-дағы парақшасында айтты.

Сонымен қатар әнші жаңа туған нәрестеге Мұнар деп есім қойған.

"Бүгін керемет қуанышқа кенелдім. Үшінші перзентім өмірге келді. Мұнар ұлымды перзентханадан шығарып алуға келдік", – деді актер.

Сондай-ақ Қобыланды Болат ұлының кіндік әкесі ретінде әнші Қазыбек Құрайышты таңдаған. Әнші ұлының кіндік әкесіне перзентхана алдында шапан жапты.

Айта кетейік, актер мен жұбайы Назеркенің жаңа туған Мұнардан бөлек бір ұл, бір қызы бар.