"Өте қамқор": Айжұлдыз Адайбекова сүйіктісі туралы айтты
Жарияланған күні:
![Айжұлдыз Адайбекова сүйіктісімен Айжұлдыз Адайбекова сүйіктісімен](https://cdn.nur.kz/images/1120x630/3ddc15c44043dbce.jpeg)
Отандық танымал актриса әрі дизайнер Айжұлдыз Адайбекова жеке өмірі жайлы сыр шертіп, желіде сүйіктісі туралы айтып берді. Өнер иесі бұл қарым-қатынасында аса бақытты екенін жеткізді, деп жазады KAZ.NUR.KZ.
Айжұлдыз Адайбекова Instagram парақшасында оқырмандарын қызықтырған бірқатар сұраққа жауап берді. Желі қолданушыларының көбісі актрисадан жеке өмірі жайлы сұрады.
Бұған дейін тек ғашығымен түскен суреттерін жариялап келген өнер иесі бұл жолы оның бойындағы ерекше қасиетті айтып берді.
"Оның қамқорлығы - ең үздік сыйлық", - деп жазды Айжұлдыз Адайбекова.
Сонымен қатар блогер ару махаббат пен мансаптың арасынан нені таңдайтынын айтты.
"Махаббат бар жерде мансап та болады. Махаббат бәрін шешеді. Біріншіден өзіңе деген махаббат болу керек. Бір нәрсені жасап, қателесіп, мықты адам болудан қорықпаңыздар", - деп жазды ол.
![Айжұлдыз Адайбекованың Stories-i Айжұлдыз Адайбекованың Stories-i](https://cdn.nur.kz/images/1120/7a40e5e391c29b5f.jpeg)
Мақаланың түпнұсқасы: https://kaz.nur.kz/showbiz/2093015-ote-qamqor-aizhuldyz-adaibekova-suiiktisi-turaly-aitty/