"Көздің қарашығындай сақтауға тырысайық": Төреғали Төреәлі отандастарына үндеу жасады

Қазақстандық шоу-бизнес жұлыдзы Төреғали Төреәлі барша отандастарын Бірлік күнімен құттықтап, оларға желіде үндеу жасады. Бұл туралы KAZ.NUR.KZ жазады.

Өнер иесі мереке қарсаңында Instagram-дағы парақшасында жаңа жазба жариялап, отандастарына тілегін жолдаған.

Төреғали Төреәлі қазақстандықтарды ел бірлігін көздің қарашығындай сақтауға шақырды.

"Қазақстанның көпұлтты халықтары арасындағы бірлік пен ынтымақтастығы нығая берсін. Қазақстанның көпұлтты халқының татулығы мен бейбітшілігі - еліміздің ең басты байлығы. Оны көздің қарашығындай сақтауға тырысайық. Береке бірлігіміз арта берсін", - деп жазды "Ұлы дала баласы".