"Үкім дәл уақытында шығыпты": Нүкенованың ағасы марқұмның туған күнінде әсерлі видео жариялады

Бүгін, 15 мамыр күні Салтанат Нүкенова 32 жасқа толар еді. Қарындасының жекеменшік мерекесі жайлы ақпаратты Айтбек Амангелді Instagram желісіндегі парақшасында жариялады.

Айтбек Амангелді қарындасының туған күніне орай әсерлі видео жариялады. Ол видео астына Салтанат Нүкенованың өмірге келген күнін де (15.05.1992) белгілеп кетті. Бейнежазбада өткен жылдың 9 қарашасынан бастап қызу талқыға түскен оқиға легі көрсетілген.

Мұны көрген көпшілік Салтанат Нүкенованың ағасына қолдау білдіріп, жеңісімен құттықтады. Олар Салтанат Нүкенованың қазасына тағы да көңіл айтты.

"Қандай қайғылы, үкім де дәл уақытында, туған күніне қарай шығыпты", "Туған күніңмен, Салтанат. Сен бізді біріктіріп кеттің", "Жылап отырмын, Салтанат бізге әпкеміздей болды", "Өз өмірінің құнымен қанша қыздың өмірін өзгертіп кетті", "Сен бәрін жеңдің", - деп жазды жұрт.